Се верува дека можеме да ги користиме најскапите креми и да одиме на третмани, но ако нашата храна не е здрава, тоа ќе се одрази на нашиот тен
Често јадеме брза храна за да заштедиме време во напорниот ден, но од витално значење е да јадеме здрава храна бидејќи помага да се изградат мускули, да се изостри умот или да се зајакне срцето.
Храна добра за кожата
Постои поврзаност помеѓу храната што ја јадеме и нашето здравје, што дополнително влијае на изгледот на нашата кожа. Се верува дека следните намирници треба да се вклучат во исхраната, според „MindBodyGreen“.
Бобинки
Бобинките се вкусна и одлична храна за добра кожа. Повеќето бобинки, како што се боровинки и капини, имаат многу антиоксиданси со антиинфламаторни својства за да ве заштитат од слободните радикали, што на крајот се покажува на вашата кожа.
– Секогаш барам клиентите да имаат три закуски за кожата на ден, по можност бобинки, бидејќи бобинките се богати со антиоксиданси и витамин Ц кои помагаат во заштитата од сонце и имаат својства за осветлување на кожата – вели познатата естетичарка Натали Агилар.
Здрави масти
Не секоја маст е лоша за вас. Некои здрави масти како авокадото се всушност одлични за здравјето и кожата. Авокадото е богато со здрави масла и витамин Е кои помагаат во хидратација на кожата и ја заштитуваат. Друг одличен пример се оревите.
Пробиотици
Денес сите зборуваат за пробиотиците. Многу луѓе земаат пробиотски додатоци за здравјето на цревата, но малку луѓе знаат точно што се тие. Според Националниот центар за комплементарно и интегративно здравје, пробиотиците се мали микроорганизми. Се препорачува кисела храна и јогурт со живи култури за да ја добиете вашата доза на здрави пробиотици.