Воодушевете ги вашите најблиски со малку поинаков десерт, а тоа е слатка пита со тиквички
Состојки:
- 500 гр кора за пита
- две големи тиквички
- 1/2 дл масло
- 200 гр шеќер
- две јајца
- кесичка прашок за пециво
- кесичка ванилин-шеќер
- 10 лажици млеко
- три лажици гриз
- мускатно оревче
- 100 гр суво грозје
- шеќер во прав
Подготовка:
Излупете ги тиквичките, исечете ги на коцки и обарете ги заедно со шеќерот и маслото, излупените тиквички се пасираат, се додаваат млекото, јајцата, ванилин-шеќерот, гризот и прашокот за пециво.
Соединете ја смесата, па додајте го сувото грозје, намачкајте го плехот или тавчето, наредете кора по кора и на секоја ставете по неколку лажици фил.
Малку изгужвајте ја кората за питата да биде воздушна.Печете на 200 степени околу половина час.Печената пита исечете ја на коцки и посипете со шеќер во прав и рендано мускатно оревче.