Една студија открива симптоми поврзани со дишењето, кои може да се корисни за да се предвиди ризикот од прерана смрт.
Начинот на кој се храниме, физичката активност и дистанцирањето од стресот можат да играат клучна улога кога станува збор за долговечноста.
Сепак, малкумина од нас можат да претпостават дека нешто толку „обично“ како начинот на кој дишеме може да „одреди“ колку долго ќе живееме.
Според студијата објавена во списанието Respirology, дишењето може да влијае на животниот век – а одредени симптоми се поврзани со ризикот од рана смрт.
Експертите заклучиле дека оние кои страдаат од проблеми со отежнато дишење, без разлика дали се пушачи или не, всушност се изложени на поголем ризик од прерана смрт. Дополнително, кашлањето кај активните пушачи и отежнато дишење кај поранешните зависници од никотин, исто така, може да го зголемат ризикот од рана смрт.
Пушењето сè уште е еден од најважните фактори кои го зголемуваат ризикот од смрт поради срцеви заболувања или рак.
Дали постои пијалок или состојка што може да влијае на долговечноста?
Во 21 век, чајот и кафето се основните пијалоци што луѓето ги консумираат секој ден во сите култури. Вториот се покажа како еден од најпопуларните топли пијалоци на сите времиња. Свежо сварено кафе без млеко и шеќер може да биде клучот за подолг и поздрав живот.
Неколку студии откриваат дека луѓето кои пијат кафе имаат помала веројатност да умрат рано поради срцеви или малигни заболувања. Објавени во Annals of Internal Medicine, резултатите покажуваат дека пиењето две и пол до четири шолји кафе дневно е поврзано со 29 отсто помал ризик од смрт.