Токму кога помисливме дека сме ги виделе сите можни модни креации, пристигна изненадување. Модните куќи на пазарот лансираа хеланки кои, во најмала рака, предизвикаа лавина коментари.
Ова се всушност панталони и чевли во едно и дефинитивно се направени за да привлечат внимание.
Овој, може да се каже, футуристички модел на панталони јасно го оцртува секој дел од телото, а доколку сакате да бидат во вашата гардероба, треба да издвоите неверојатни 2.700 евра.
Ова парче го прослави Ким Кардашијан, која во изминативе денови не излезе од нив и ги има во речиси сите достапни бои.
Иако предизвикаа поделени мислења и вистинска дискусија на социјалните мрежи, светските трендсетерки ги пречекаа со воодушевување и ги вклучија во нивните гардероби.
Така на социјалните мрежи можете да видите грст фотографии на кои овие хеланки ја играат главната улога, додека инфлуенсерите не убедуваат дека ова е парчето што мора да се има оваа сезона.
