Викендот е пред нас, а ако сакате нешто слатко, ви препорачуваме да направите меки крофни кои им успеваат дури и на почетниците
Состојки:
15 гр квасец
1 лажичка шеќер
2 јајца
200 мл млеко
2 лажици масло
450 гр брашно
малку сол
масло
1 ванилин
шеќер во прав
Подготовка:
Квасецот издробете го, додадете шеќер и прелијте со малку млака вода. Кога ќе запени се додаваат јајцата, млекото и се мати малку со жица. Додадете брашно и замесете, тестото да биде меко и глатко.
Покријте малку да нарасне. Исечете помали квадрати од хартијата за печење. Тестото исечете го на помали парчиња од по 20 g и направете топчиња меѓу дланките.
Се редат на исечените хартии, па се покриваат да нараснат. Спуштете ги крофните заедно со хартијата во маслото и по 5 секунди извадете ја хартијата.
Се пржат на средна температура до заруменат од двете страни. Извадете ги, па посипете со ванилин шеќер и шеќер во прав.
Пријатно!