Средбата на Деми Мур и Брус Вилис беше судбинска, а тие се венчаа по само три месеци врска, во Лас Вегас.
Деми Мур и Брус Вилис останаа блиски пријатели и по разводот, а се сметаат за еден од примерите за тоа како треба да се однесуваат поранешните сопружници.
Овој некогаш најгламурозен пар се венчаше во 1987 година и добија три ќерки, Румер, Скаут и Талулу.
Се разведоа во 2000 година, а разводот го најавија уште во 1998 година.
– Се уште ја сакам Деми. Многу сме блиски. Имаме три деца кои ќе продолжиме да ги одгледуваме заедно и веројатно сега сме поблиски од кога било. Сфаќаме дека имаме доживотна посветеност на нашите деца. Нашето пријателство продолжува. Институцијата е оставена на страна… Тешко е да се живее животот и бракот под лупа, што им се случува на парови филмски ѕвезди – изјави тогаш Брус Вилис.
По разводот, нивните деца беа горди на врската што ја имаат нивните родители, а Деми Мур подоцна беше во брак со Ештон Качер, додека Брус Вилис се ожени со манекенката Ема Хеминг.
Брус и Ема постојано истакнуваа како имале забавен однос со Деми и Ештон и како сите биле едно големо среќно семејство.
– Тоа предизвика голем интерес бидејќи секој може да ја разбере огорченоста и зависта при распадот на бракот, но не разбираат како можам да се согласувам со бившата. Деми и јас решивме да ги ставиме децата на прво место и навистина сме среќни што се покажа дека сите заедно се забавуваме – изјави еднаш Вилис.
Колку оваа двојка останала блиска по разводот сведочи и фактот што биле во карантин заедно со своите ќерки поради пандемијата на корона вирус.