Кајли Џенер на промоцијата на новото шоу „The Kardashians“ носеше костум од српска дизајнерка.
Најмладата милијардерка Кајли Џенер (24) покажа дека костумите не се резервирани само за мажи и дека жените навистина можат да блеснат во нив.
Припадничка на познатиот клан Кардашијан-Џенер на промоцијата на новото реално шоу „The Kardashians“ носеше костум на српската дизајнерка Исидора Ѓуровиќ. Откако Кајли сподели фотографии од нејзиното модно издание, и Исидора се пофали со креацијата на Инстаграм.
Станува збор за комплет сако и панталони во боја на слонова коска. Сакото е предимензионално, лежерно и удобно, додека панталоните се украсени со екстравагантна атмосфера бидејќи доаѓаат со проѕирни ногавици.
Со оделото, Кајли искомбинира и „стаклена“ чанта во која можеше да се види како има два кармини од нејзината линија за шминка.
Инаку, Исидора Ѓуровиќ е дизајнерка со српско потекло која живее и работи во Лондон. Во 2020 година, таа дипломирала мода на Уметничката школа „Central Saint Martins“.
По дипломирањето, таа поминала една година работејќи како дизајнер за брендот „Burberry“ и моментално работи како консултант за дизајн.