Кадравата коса има безброј предности: поретко станува мрсна, не и треба многу за волумен и нуди безброј опции за стилизирање. Сепак, шишките за кадрава коса понекогаш се речиси табу тема, а обидите за скротување често наидуваат на „отпор“. Така, вистинско освежување е да се види како да се носат ноншалантни кадрави шишки како новата сосетка на Кери во серијата „And Just Like That“, дизајнерката на накит Лисет, која ја игра Катерина Таненбаум.
Cool фризурата на Катерина е всушност популарната „shag“ која и дава на косата слоевитост и текстура, а изгледа одлично на природно виткана и брановидна коса бидејќи ја олеснува и одлично се вклопува со различни форми на лице.
Таквата фризура е исклучително лесна за одржување. Фризерот Џејк Ванстал за британскиот Вог препорачува сушење со воздух или дифузерско сушење и стилизирање со крема за виткање: „Нанесете ја на влажна коса и избегнувајте да минувате со производот низ вашата коса – само гужвајте ја „за да не ги исправате локните“. Резултатот – опуштен боемски шик на кој би и позавидела и самата Кери Бредшо.