Ирина порасна во мал руски град, како Ирина Валериевна Шаикисламова. Штом наполнил четириесет години, татко ѝ се разболел и починал, а мајката на Ирина останала сама да се грижи за ќерките.
– Преживеавме одгледувајќи зеленчук кој потоа го продававме. Морав да берам компири и домати бидејќи само така можам да заработам пари во нашиот мал град. Во текот на летото, поминав 30 дена во локална болница, за што добив 20 долари. И денес донирам во таа болница и среќна сум што можам да го вратам тоа што ми го дадоа тогаш – изјавила популарната манекенка.
Ирина рекла и дека луѓето често мислеле дека доаѓа од Бразил, поради нејзините карактеристични црти на лицето и егзотичната убавина. Таа всушност наследила темен тен од нејзиниот татко, кој бил Татар, а светлите очи од мајка си, која била типична Русинка.
Патот од трње до рози
Ирина не сакаше да се занимава со манекенство, нејзиниот сон беше да стане новинар. Животот ненамерно ја однел во друг правец. Мајката на Ирина сакала да ја запознае својата помала ќерка со светот на модата, но вработените во модната агенција веднаш ја забележале младата Ирина која набрзо заминала во светот со нив. На 18-годишна возраст отпатува за Москва, каде што направи портфолио, а потоа го продолжи патувањето во Европа.
– Кога почнав во Париз, немав што да јадам. Тоа беше пресвртница за мене бидејќи не се откажав. Знаев дека не можам да се вратам дома без да постигнам ништо, па тоа ме мотивираше уште повеќе да работам – се присети Ирина. Не помина долго време пред да се најде во Холивуд.
Нејзината манекенска кариера ја одбележаа насловните страници на магазинот Vogue, но и соработките со најпознатите брендови како Christian Dior, Chanel и Victoria’s Secret. Се издвои соработката со Донатела Версаче, која е долгогодишен пријател на Ирина.
Многумина тврдат дека убавината на Ирина не е природна и дека имала бројни интервенции, но фотографиите од младоста го демантираат тоа.
Љубовен живот
По петгодишна врска со Кристијано Роналдо, таа влезе во романса со актерот Бредли Купер, но брзо го прекинаа бракот. Таа има ќерка од бракот со планетарно популарниот актер. Тие денес поминуваат многу време заедно, а фановите се надеваат на помирување.
Се ширеа гласини дека Роналдо и Ирина добиле дете, но се покажа дека тоа не е вистина, туку дека тоа е желба на навивачите. Гласините почнаа да кружат бидејќи идентитетот на мајката на едно од децата на Роналдо се уште е непознат за јавноста.
Денеска го слави својот 36-ти роденден
Ирина денеска го слави својот 36-ти роденден. Оваа млада жена е пример за помладите генерации, а причините за тоа се многубројни.
– Татко ми почина кога имав 14 години, а јас научив да бидам силна жена од мајка ми и баба ми, која е мојот херој – изјавила Ирина во едно интервју.
Денес, Ирина е херој на многу девојки и тие сонуваат да бидат исто како неа.