Со доаѓањето на пролетта не очекуваат нови трендови на модната сцена.
Доколку сакате да носите разни комбинации за да го разубавите вашиот изглед, време е да откриете кои трендови ќе преовладуваат во наредните месеци кога е гардеробата во прашање.
Еден од нив се однесува на еден од најважните делови на облеката, а тоа се панталоните.
На задоволство на многумина, познатите тесни фармерки полека отидоа во заборав, отстапувајќи место на многу поудобно парче. Станува збор за панталони во кои без исклучок ќе изгледате убаво, но и во кои ќе се чувствувате многу удобно доколку имате намера да го поминете целиот ден во нив.
Оваа пролет на врвот на модната листа ќе има малку пошироки модели, со поплиток струк. Панталоните кои потсетуваат на оние кои претходно се носеа за деловни пригоди, оваа сезона стануваат составен дел од секојдневните комбинации.
Во овој модел можете да одите на прошетка, на ручек или да излезете во клуб. Во зависност од додатоците и изборот на чевли, тие лесно ќе се прилагодат на ситуацијата и приликата. Посебно убаво изгледаат дамите кои имаат поцврсти колкови и бутови, бидејќи лесно можат да го камуфлираат тој „проблематичен“ дел од телото.