Србија опен е во тек, а сопругата на Новак Ѓоковиќ го украде целото внимание од трибините
Србија опен веќе започна, а на него, секако, учествува и најдобриот српски и светски тенисер Новак Ѓоковиќ. Како што веќе навикнавме, меѓу неговите верни фанови од публиката, првиот светски тенисер го поддржа сопругата Јелена, која за оваа пригода избра совршена комбинација на облека, во која едноставно блесна!
Од глава до пети во бојата која е карактеристична за овој спорт – белата, Јелена блескаше во публиката додека го бодреше својот сопруг. Бели патики, бели рамни фармерки, блуза во иста боја, како и широк, перфориран џемпер со кратки ракави, а ефектот беше – полн погодок!
Овој едноставен, монохроматски стајлинг Јелена го надополни со шик додаток во форма на шешир, модерни очила за сонце и дискретни, но многу ефективни парчиња накит. Сите овие детали го прават целиот стајлинг уште поефектен и „скап“.
Јелена за оваа пригода избра едноставна фризура, односно права пуштена коса и многу дискретна дневна шминка.