Секој од нас знае дека купечкиот чипс не е многу здрав за консумирање, но тоа не ни пречи постојано да го купуваме, бидејќи е неодолив на вкус. Сепак колоритното пакетче чипс, освен компир, содржи и голем број на нездрави додатоци, вештачки состојки кои служат за подобрување на вкусот.
Токму затоа, доколку чипсот е вашата омилена закуска, за денес ви откриваме фантастичен рецепт како да си приготвите како да го приготвите во здрава и извонредно вкусна варијанта во домашни услови.
Подготовката на домашниот чипс ќе ви одземе едноставни 10 минути, а неговиот вкус може да го збогатите со вашите омилени зачини.
Вкусен, крцкав и ароматичен- Вие и вашите блиски ќе му се насладувате бескрајно! Покрај тоа, овој домашен чипс е и исклучиво здрав за консумирање, бидејќи не се пржи во огромно количество на масло, како што е случајот со купечкиот чипс.
Домашен чипс за 10 минути
Време на приготвување: 10 минути, но доколку планирате да направите повеќе чипс, најверојатно времето ќе се зголеми.
Потребни состојки:
- 3 компири (средна големина)
- Масло за готвење
- Сол и зачини по ваш вкус
Начин на подготовка:
- Подгответе ги сите неопходни состојки: Зачини (Пр. Мелен црвен пипер и зачини за компири), масло, сол, хартија за печење и секако, компирите.
- Покријте ја чинијата со хартија за печење и одозгора премачкајте ја нејзината површина со маслото за готвење.
- Исечете ги компирите на тенки парчиња, употребувајќи ја лупилката за зеленчуци. Колку потенки се исечени парчињата, толку помалку време ќе му биде потребно на чипсот да се приготви.
- Поставете ги исечените парчиња компир во претходно подготвената чинија, притоа распоредени во еден слој.
- Нанесете сол и зачини врз компирите, по ваш вкус.
- Така подготвена, чинијата поставете ја во микробранова печка, за печење во времетраење од 6-7 минути, на максимална моќност. Доколку исечените парчиња се премногу тенки, ве советуваме најпрво да го поставите мерачот на време на 3 минути, а потоа доколку е потребно, зголемете го времето. И не заборавајте од време на време, да ги набљудувате, за да не ги препечете комприите.
- По речиси 10 минути, вашата прва порција на домашно приготвен чипс ќе биде готова! Насладувајте се на задоволството со вашите најблиски и пријатен апетит!