Зендаја (25) и Том Холанд (25) се едни од најслатките холивудски парови и никогаш не се грижеле за шеги на сметка на нивната висинска разлика.
Двојката ја чува својата врска подалеку од очите на јавноста, само повремено објавувајќи на Инстаграм посвета еден на друг. Сепак, папараците често ги фаќаат заедно за време на излегувањата, а тоа беше случај и во вторникот кога дојдоа на проекцијата на новиот филм на Том „Uncharted“ во Њујорк.
Зендаја изгледаше одлично во син фустан и црни потпетици кои одговараа на нејзината распуштена коса. Холанд беше облечен во сив костум и црна долчевита.
Инаку, парот се запозна во 2016 година на снимањето на филмот „Spider-Man: Homecoming“, а на почетокот на сите им се претставија како блиски пријатели. Но, тоа можеби беше случај тогаш. Сепак, за време на турнејата за истиот филм, на многумина во интервјуата им се чинеше дека хемијата меѓу нив се чувствува малку поголема од пријателската.
Сепак, и двајцата се обидоа да ги замолчат гласините со задевања на Твитер со коментари од обожавателите за нивната врска. „Чекај, чекај, омилена работа ми е кога ќе кажат дека одиме на одмор заедно. Ха, со години не сум бил на одмор. А ти Том?“, напиша тогаш актерката, на што Холанд одговори: „Дали се брои филмската турнеја?“.
Иако многумина се обидоа да ја обединат својата омилена двојка, меѓу 2019 и 2020 година почнаа да се појавуваат шпекулации дека убавата Зендаја е вљубена во Џејкоб Елорди, а Том во Надија Паркс, што тој ја објави и на својот Инстаграм. Но љубовта не траеше долго…
Во јули 2021 година, папараците ги фотографираа Том и Зендаја како се бакнуваат во автомобил, запрен на црвено светло во Лос Анџелес. И секако, оттогаш стана јасно дека оваа млада двојка е заљубена, но како и за сите, така и за нив нашле маана – разликата во висината.
Имено, додека Том е висок 173 сантиметри, Зендаја е висока 178 сантиметри, па дури и таа мала разлика се гледа на црвениот тепих. Неодамна на еден настан беа прашани како го коментираат овој „страшен проблем“ и секако, како и сите нормални луѓе, не им е грижа што ќе кажат другите.
„Тоа е апсолутно нормално. Мајка ми е повисока од татко ми. Мајка ми е повисока од сите“, рече Зендаја, додека актерот едноставно рече дека „сето тоа е глупост“.