Носталгијата за раните 2000-ти години владее со модниот свет веќе неколку сезони, а меѓу обожавателите се многу познати фешнистки кои знаат каде да најдат ретки архивски дизајнерски парчиња. И бидејќи секогаш сакаме да гледаме винтиџ шик во духот на одржливоста, бевме воодушевени и од неодамнешните ретро изданија на пејачката Мајли Сајрус.
Мајли во Њујорк објави дека повторно ќе ја води новогодишната програма што ја организираше со Пит Дејвидсон минатата година, гостуваше во шоуто на Сет Мејерс и ја гледаше новата Бродвејска продукција на „Чикаго“ со Памела Андерсон во главната улога, а во таа прилика носеше некои фантастични парчиња со раните 2000-ти.
Слип фустаните беа хит во доцните 1990-ти и раните 2000-ти, а Мајли ги враќа во мода со овој многу кул винтиџ мал црн фустан со потписот на Галијано. Дека била голема обожавателка на Галијано покажаа уште два фустани: за одење во театар носеше леопардска креација од тантела од времето кога тој дизајнер беше на чело на Диор, а ја спои со тренди апостолки и проѕирни жолти очила за сонце. Подоцна, на најавата за претстојното новогодишно шоу, таа облече уште една негова креација за Диор – црвен долг фустан со деколте кој се уште изгледа повеќе од актуелно и современо.
Како гостин во шоуто на Сет Мејерс, Мајли се појави во прекрасен фустан на Александар Меквин од 2004 година во нежна праска боја со елементи на „откриен“ корсет, а својата „турнеја“ во Њујорк ја заврши со можеби најпопуларната комбинација меѓу познатите личности: тесен минималистички миди фустан кој е винтиџ Шанел и апостолки. Мајли Сајрус уште еднаш со овие изгледи покажа дека е модна инспирација за новите генерации, и колку може да биде шик и модерна винтиџ модата.
