Колку и да е важен јогуртот за функционирањето на нашето тело, експертите советуваат да не го пиете веднаш по јадење.
Млечните производи имаат повеќекратни здравствени придобивки – ја нормализираат работата на дигестивниот систем, го намалуваат ризикот од развој на срцеви и васкуларни заболувања, ги штитат цревата од паразити итн. бидејќи се богати со протеини, калциум (кој го зајакнува коскеното ткиво) и бифидобактерии.
Бифидобактериите се врзуваат за цревниот ѕид и градат природна бариера, спречувајќи го врзувањето на штетните агенси.
Но, за вашето тело навистина да има корист, треба да знаете кога би било најпожелно да ги консумирате, а кога не.
Овие намирници се главен извор на амино киселини и протеини неопходни за ефикасно функционирање на организмот. За разлика од млекото, телото ги апсорбира многу побрзо бидејќи нивните протеински синџири се многу пократки. Сепак, колку тие ќе бидат корисни за вашето тело зависи и од времето кога ќе ги консумирате, велат експертите.
Кисело млечните производи ја нормализираат цревната микрофлора благодарение на таканаречените бифидобактерии со кои се доста богати. Овие бактерии ги нарекуваме и пробиотици. За да се извлече максимална корист од бифидобактериите, многу е важно ферментираните млечни производи да се земаат на празен стомак, истакнуваат нутриционистите.
Нутриционистите препорачуваат да земате јогурт и сите други ферментирани млечни производи најмалку час и половина по јадење.
Иако нутриционистите советуваат дека не е препорачливо да се јаде ништо најмалку два часа пред спиење, а за да не се напрега телото, ферментираните млечни производи спаѓаат во малата група на намирници кои можете да ги консумирате во вечерните часови, без вознемирување и нарушување на квалитетот на вашиот сон.
Така, на вашето мени за вечера можете да најдете павлака, кефир, свежо сирење, кисело млеко и јогурт.
Многу експерти веруваат дека овие намирници треба да ги консумирате две недели континуирано за да ја подобрите функцијата на цревата.
Секојдневно се препорачува да внесувате:
– 1-2 чаши кефир, јогурт и кисело млеко
– 100 гр свежо сирење, павлака (2,5 отсто маснотии).