За да го намалите вишокот килограми, кои веројатно се појавиле како резултат на уживањето во сите вкусни задоволства за време на празниците, потребно е да ја намалите исхраната и да се посветите на тренинзите.
Сепак, можеби во моментов не сте расположени за тоа, а студеното време дополнително ве демотивира.
Сè додека не се прегрупирате и не успеете да ја вклопите теретаната со други обврски, кои изгледаат се потешки и потешки по празниците, прикријте го недостатокот поради кој се чувствувате несигурни.
Не ви треба ништо повеќе за да ги маскирате стомакот и колковите од она што најверојатно го имате во плакарот.
Висок струк
Панталоните и здолништата со висок струк се дефинитивно вашите најдобри сојузници. Ќе создаде привлечна фигура на песочен часовник и ќе покрие се што би сакале да сокриете.
Акцент на половината
Можеби ви изгледа контрадикторно, но понекогаш вашиот напор да прикриете нешто го прави уште повидливо. Појасот на половината визуелно ќе ја истенчи фигурата и ќе ја направи похармонична.
Ѕвонарки
Панталони и фармерки со ногавици кои се протегаат од колената надолу, ќе создадат неверојатно привлечен изглед и ќе ги покријат слоевите масти на колковите и бутовите. Ако ги комбинирате со високи потпетици, ефектот ќе биде уште подобар.
Високи потпетици
Потпетиците ја издолжуваат фигурата и ја прават секоја жена послаба. Покрај тоа, тие го подобруваат вашето држење, а кога грбот е исправен, се чини дека се е на свое место.
V деколте
V деколтето на маици, џемпери и блузи е вистинскиот избор бидејќи создава илузија на послаба фигура. Покрај тоа, ви ги стеснува рамениците.