Како и секоја година, објавени се номинациите за Златната малина, кои се доделуваат за најлоши филмски остварувања во претходната година.
Најмногу номинации има филмот на Нетфликс „Diana The Musical“, дури девет. За најлош филм се уште се натпреваруваат трилерите Karen и The Woman in the Window, а секој од нив има по 5 номинации, како и Space Jam: A New Legacy со Леброн Џејмс.
Ејми Адамс, Џоана де Вол, Меган Фокс, Тарин Менинг и Руби Роуз беа номинирани за најлоша актерка.
За најлош актер беа номинирани Скот Иствуд, Ро Хартрампф, Леброн Џејмс, Бен Плат, Марк Волберг.
Холивудската легенда Брус Вилис дури има и своја категорија – најлошата изведба на Брус Вилис во филм од 2021 година, за филмовите во кои глумеше – “American Siege”, “Apex”, “Cosmic Sin”, “Deadlock”, “Fortress”, “Out of Death”, “Survive the Game” и “Midnight in the Switchgrass”.
Целата листа можете да ја видите овде. Златните малини ќе бидат доделени вечерта пред доделувањето на Оскарите, во сабота, 26 март 2022 година.