Познато е дека многу луѓе имаат чувство на среќа и задоволство кога ќе помислат на својата омилена храна. Поттикната од ова, германската компанија за испорака на храна решила да спроведе интересна студија.
Студијата е спроведена во текот на 2020 година на 2158 испитаници, кај кои биле анализирани емоциите кон храната што им била испорачана.
Тие ги следеле нивните реакции пет минути пред испораката на храната и пет минути по јадењето, фокусирајќи се на 11 различни видови на кујна. Овие пет видови храна предизвикуваат најмногу среќа кај луѓето.
- Кинеска храна
Истражувањето покажало дека нарачувањето храна од кинески ресторан ги прави луѓето посреќни, дури за 58 отсто. На луѓето навистина им се допаѓа разновидноста на кинеската кујна, поради што сакаат да ја нарачуваат.
- Тајландска кујна
Според реакциите на испитаниците, доставата од ресторан со тајландска храна го зголемува чувството на среќа за 64 отсто.
- Хамбургери
Хамбургерите се популарни низ целиот свет. Ова германско истражување, пак, наведува дека луѓето се чувствувале дури 70 отсто посреќни откако јаделе ваков вид на храна.
- Суши
Иако не секој сака да јаде суши, оние кои сакаат сирова риба се чувствуваат дури 73 отсто посреќни откако ќе го изедат својот оброк, се вели во студијата.
- Индиска храна
На врвот на листата е индиската храна, а според ова германско истражување таа ги прави луѓето најсреќни. Според резултатите од студијата, оваа храна го зголемува чувството на среќа за 83 отсто. Здравите состојки кои се користат во оваа кујна го подобруваат расположението, здравјето и меморијата.