Оревите, лешниците и ф’стаците се богати со различни хранливи материи, но се вели дека индиските ореви се вистинско богатство на здравјето.
Нутриционистите тврдат дека една од најкорисните функции што индиските ореви ја имаат врз здравјето е тоа што ја спречуваат репродукцијата на слободните радикали кои се одговорни за брзиот развој на малигните заболувања и процесите на стареење.
Богат е со витамини А, Б2 и Б1, железо, селен, палмитолеинска и олеинска киселина, аминокиселина триптофан, и ред други протеини и корисни минерали.
И како тоа влијае на нашето тело?
Го намалува крвниот притисок
Редовното консумирање индиски ореви е поврзано со пониски вредности на крвниот притисок, покажуваат резултатите од студијата објавена во списанието „Current Developments in Nutrition“. Вклучувањето на индиските ореви во исхраната може да ги подобри вредностите на горниот и долниот крвен притисок, но и да го намали нивото на триглицериди.
Го намалува нивото на холестерол
Ако јадете индиски ореви секој ден наместо ужина со висока содржина на јаглени хидрати, можете да го намалите нивото на холестерол во крвта. Важно е да знаете дека 60 до 100 грама од ова овошје неделно (или 5 до 8 овошја дневно) се доволни за да ги добиете придобивките од него.
Го регулира нивото на шеќер во крвта
Индискиот орев содржи незаситени масни киселини кои имаат корисен ефект врз нивото на шеќер во крвта. Исто така, придонесува за намалување на нивото на триглицериди и го штити телото од дополнителни компликации поврзани со високо ниво на шеќер и холестерол. Секојдневното консумирање на индиски ореви значително го намалува ризикот од дијабетес тип 2.
Добро е познато дека храната може да го забави стареењето на телото, а тоа што го јадеме се рефлектира на нашето лице. Лекарите советуваат дека после 50-тата година мора да вклучите јаткасти плодови во вашето мени, освен што ја одржуваат кожата млада, ги нормализираат проблемите со спиењето кај жените во менопауза.