Постојат два типа на луѓе на овој свет, оние кои го гледаат рокот на употреба како обичен предлог и оние кои ќе фрлат сè без разлика колку, недопрено или неизедено, во моментот кога ќе биде пречекорен датумот.
Вистина е дека одредени производи се совршено безбедни дури и кога истекува наведениот рок.
1. Сол
Според една компанија за сол, иако самата сол нема рок на траење, солените производи кои содржат јод, зачини, бои и вкусови може да се влошат со текот на времето. Но, обичната кујна или големата морска сол што ги посипувате на садовите може да траат добри пет години.
2. Одредени производи за шминка
Во една неодамнешна статија во списанието „Allure“ се наведува дека неотворената пудра може да трае неколку години, но кога ќе се отвори, најдобро е да ја замените по шест до 12 месеци. Лакот за нокти, велат тие, нема да се оштети од бактерии, но може да се исуши толку многу што повеќе не е корисен.
3. Паста за заби
Според веб-страницата „Crest“ или брендот на паста за заби, можете да ја користите и онаа на која и поминал рокот, но таа станува помалку ефикасна.
4. Неотворено замрзнато овошје и зеленчук
„Можете да јадете неотворени пакувања со овошје и зеленчук кои се замрзнати околу осум до десет месеци по истекот на рокот“, вели д-р Рејчел Скот, бидејќи ултра ниските температури го спречуваат развојот на микроорганизми. Неотворено е клучниот збор овде. Доколку храната била веќе отворена, содржината била изложена на други микроорганизми, а можеби имало и такви кои успеале да преживеат на многу ниски температури и да ја расипат храната.
5. Тестенини
Може да се користи долго по отворањето. Но, најдобро е да се чува во стаклени садови кои можат да бидат добро затворени за да се спречи контакт со влага.
6. Конзервирана храна
Повеќето таква храна е безбедна на неодредено време, според американското Министерство за земјоделство. Конзервите ќе траат со години, велат, се додека самата лименка е во добра состојба. Внимавајте на ‘рѓа, вдлабнатини или оток.