Летото е синоним за светли бои кои го прават стајлингот впечатлив, па нема шанси да останете незабележани.
Бидејќи сезоната на отворени обувки е во полн ек, стилистите открија кои бои ќе доминираат на модната сцена оваа година.
Не мора секогаш да избирате неутрални нијанси – слободно поиграјте и прескокнете ги класиците и црните модели, а комбинациите надополнете ги со сандали во ефективна боја.
Изборот е навистина широк, а судејќи според предводниците на модните трендови, ова лето е невозможно да погрешите со овие три бои.
1. Портокалова
Со портокалови сандали, доброто расположение е неизбежно. Светлата и силна боја симболизира оптимизам и радост и има моќ да го подигне секој стајлинг на повисоко ниво. Чевлите со отворени прсти во трендовска летна нијанса се совршени парчиња за аутфит во смела боја и може да се комбинираат со виолетова или розова.
Ако сепак сакате поедноставни стилови, можете лесно да ги комбинирате со неутрални бои како бела, крем или беж. Таквата модна комбинација изгледа толку класично и елегантно, но со посебен шик акцент благодарение на обоените чевли.
2. Сина
Сандалите во оваа боја им се допаднаа и на многу женски инфлуенсери, а оваа сезона пред се многу популарни се светло сините, речиси бели нијанси кои силно влијаат на доброто расположение. Со сини сандали, секој стајлинг, без разлика колку е класичен и сериозен, станува многу кул.
3. Крем боја
Жешките трендови носат нешто и за минималистите. Покрај впечатливите и светли тонови, во тренд во моментов се и крем боите, особено кога се сандалите во прашање. Чевлите од оваа едноставна и префинета нијанса ја симболизираат леснотијата на летото и секогаш изгледаат елегантно, со или без потпетици.
