Чајот од липа помага во намалување на крвниот притисок, го поттикнува потењето, помага при анемија, ја чисти крвта и бубрезите. Ги ублажува симптомите на настинка и грип, ја смирува постојаната кашлица, ги намалува грчевите, и го спречува опаѓањето на косата.
Исто така, чајот од липа ја стимулира циркулацијата, го помага варењето, ефикасен е за исфрлање на флегма, ги ублажува менструалните болки и го подобрува апетитот. Бројни истражувања покажале дека ја намалува и надуеноста на желудникот.
Но, докторот Хусеин Ашкин Акполат предупредува дека во еден случај може да биде многу штетен за здравјето – ако се готви предолго.
Најдобро е водата прво да се загрее на 80 степени Целзиусови, па да се тргне од оган, да се додадат една рака листови и цветови од липа, па да се вари најмногу 10 минути.
Многу е штетно да се готви липа долго време. Поради долготрајното вриење во водата влегуваат многу танини, бојата на самиот чај станува потемна, а напитокот има горчлив вкус. Сето тоа значи дека штетните материи од растението веќе се испуштени во водата.
Не се препорачува пиење чај од липа во големи количини. Се препорачува да се користи таков чај без адитиви и не повеќе од две или три шолји дневно.