Аргентинскиот фудбалер Лионел Меси со својата репрезентација го достигна светскиот врв кога го освои Светското првенство. Оттогаш светските медиуми не престануваат да зборуваат за најдобриот фудбалер на сите времиња, но и за неговото семејство.
Се појавија бројни интересни факти за човекот на кој му се восхитува целиот свет, а еден од оние кои ќе ве воодушеви и заинтригира е проектот на една од неговите куќи лоцирана во Шпанија.
Решил некако да ја покаже сета љубов што ја чувствува кон топката, која е заслужна за неговиот успех, покрај талентот и работата, па решил да изгради куќа во форма на топка.
Но, тоа не е се. Додека самата структура е тркалезна, останатиот дел изгледа како фудбалско игралиште поделено на два дела! Исто така, со структурата пред главната зграда, од воздух оваа куќа изгледа како број 10 – број на дресот на познат фудбалер.
Тој проект беше еден од најамбициозните и најголемите предизвици за шпанските архитекти кои работеа на него, а освен симболиката што ја носи со себе, секако е еден од најуникатните во светот.