Единствениот дел од телото за кој нема специфични вежби се градите
Многу жени страдаат од мали гради, па се одлучуваат за „push up“ градници, или се почесто за пластичните хирурзи.
Не постои вежба или магичен збор што ќе ги направи вашите гради пополни и поголеми, но сепак се чини дека има добри вести.
Можете да добиете поголеми и погламурозни гради преку – исхраната. Правилната и чиста исхрана ќе направи да се чувствувате поздраво и подобро, а според експертите овие состојки помагаат и за овој важен дел од телото – деколтето.
Растителни протеини
Ако не можете да се здебелите, ова е вистинската работа за вас. Кога ќе одлучите да ја засилите исхраната, не треба да го игнорирате овој детал, бидејќи протеините ќе ви помогнат да изградите мускули. Ако на овој поздрав начин се здебелите неколку килограми, вашите гради ќе станат пополни и повидливи.
– Грашок, спелта, киноа, чиа, леќа, хељда, спирулина
Здрави масти
Кога планирате диета, треба да јадете здрави масти. Тоа се мононезаситени и полинезаситени масти кои му прават многу добро на нашето тело, а пред се го штитат нашето срце. Треба да се намали потрошувачката на храна богата со транс масти и заситени масни киселини и да се даде предност на храна која содржи „добри“ масти.
– Авокадо, бадеми, ореви, лосос, маслиново масло
Фитоестрогени
Ленот, сојата и мешунките содржат највисоки нивоа на фитоестрогени, кои се соединенија од растително потекло кои имаат естрогено дејство. Исто така, кога циркулирачките нивоа на естроген се високи, како кај жените во предменопауза, овие соединенија можат да се врзат за естрогенските рецептори и да ја блокираат активноста на хормоните, а кај жените во постменопауза тие дејствуваат како естроген.
-Соја, мешунки, лен, сусам, јаткасти плодови