Поранешната прва дама на САД Меланија Трамп одлучи да продаде неколку предмети кои ги поседува со години
Меланија Трамп, сопругата на американскиот бизнисмен и поранешен претседател на САД, Доналд Трамп, ќе продаде три вредни предмети на аукцијата, објави нејзиниот ПР тим.
Првиот од нив е белиот шешир што Меланија го носеше во Белата куќа во 2018 година, на приемот што Трамп и таа им го приредија на претседателот на Франција, Емануел Макрон и неговата сопруга Брижит.
Дизајниран е од Ерв Пјер, личниот стилист на поранешната прва дама, со цел Меланија да има впечатлив додаток со бел комплет на модната куќа Мајкл Корс од креп, составен од сако и здолниште, чија цена беше дури 2.195 долари.
Таа го потпиша овој шешир, а почетната сцена на аукцијата ќе биде 250.000 долари. Интересно, понудите ќе се прифаќаат исклучиво преку СОЛ, што е облик на криптовалута, а ова е првпат некоја (поранешна) американска прва дама да се впушти во ваква „авантура“.
Освен шеширот, Меланија Трамп продава и акварели од францускиот уметник Марк-Антан Кулон, како и неименувано „ексклузивно дигитално уметничко дело“.
Во соопштението се наведува дека Меланија ќе издвои дел од приходите од продажбата на овие предмети за иницијатива која е дел од програмата Биди најдобар, која сопругата на Трамп ја основала додека била прва дама, но не е прецизирано колкав дел, ниту процент е во прашање.