Редовната хидратација на телото е неопходна во текот на летото, особено затоа што како што се зголемуваат температурите губиме повеќе течност
Конзумирањето на вода особено во летните месеци е клучно за правилно функционирање на целиот организам.
Сепак, постојат и други начини да останете хидрирани во топлите денови.
Избегнувајте алкохолни пијалоци
Алкохолот е познат диуретик и влијае на дехидрацијата. Затоа, за време на топлите летни денови, изберете безалкохолни пијалоци како што се безалкохолни коктели или сокови. Научните истражувања покажаа дека безалкохолното пиво позитивно влијае на хидратацијата на организмот, а во исто време го обезбедува нашиот организам со потребните електролити.
Додадете електролити
Зборувајќи за овие состојки, тие се клучни за апсорпцијата на водата во нашиот организам. Затоа, додадете ги во вашето дневно мени. Добри извори на електролити се калциум, калиум и магнезиум.
Подобар вкус на водата
Со додавање на неколку капки лимон или коцки мраз во кои се замрзнати свежи билки или овошје (нане, хибискус, малини, јагоди), ќе добиете освежителен и здрав напиток.
Вода со собна температура
Наутро, на празен стомак, испијте чаша млака вода. Имено, на овој начин ќе го разбудите телото и ќе го хидрирате веднаш наутро, а вашето тело подобро ќе функционира во текот на денот.
Исхрана
Не не хидрираат само пијалоците, туку и храната. Во текот на летните месеци во вашето дневно мени вклучете храна богата со вода како тиквички, краставици, лубеници, јаболка, целер, дињи… Покрај тоа, ќе ја добиете потребната доза на витамини и минерали. Исто така, добар извор за хидратација се летните супи, како што се ладните чорби.