Физичката активност и правилната исхрана се неопходни
Мајкл Фајрмен, познат личен тренер кој работи за многу светски познати личности, објасни со каква исхрана можеме да ослабеме во менопаузата: „За да изгубите тежина за време на менопаузата, задолжително јадете разновидна храна богата со хранливи материи со правилна мешавина на протеини, јаглехидрати и здрави масти“.
Особено се препорачува храна богата со цели зрна, како киноа, кафеав ориз, овес, интегрален леб. Исто така, важно е во менито да вклучите храна богата со омега 3 масни киселини: риба, лен, чиа семе, јаткасти плодови.
Мајкл Фајрмен истакна дека е неопходно да се остане хидриран и ги потсети жените дека треба да пијат два литра вода дневно за да го забрзаат процесот на слабеење. За да им олесни на жените, тренерот го смислил правилото 8×8: „Останете хидрирани со пиење осум чаши од осум унци (американска мерна единица) вода дневно, што е околу два литра. Ова се нарекува правило 8×8. Обидете се да пиете вода постојано во текот на денот , дури и кога не сте жедни“.
Ако ги претворите унците во милилитри, земете чаша од 230 мл, наполнете ја со вода 8 пати на ден и пијте ја содржината полека, во мали голтки. Запомнете дека често ја мешаме жедта со глад и јадеме наместо само да пиеме вода. Оваа навика ќе ви помогне да стекнете навика за редовна хидратација.
Почнете да ги броите чашите вода што ги пиете и ќе забележите како со текот на времето ќе се регулира вашиот апетит.