Нежни, чувствителни, интуитивни, интровертни, самопожртвувани, сентиментални, друштвени, топли, романтични, лојални, имагинативни – хороскопските риби се навистина посебни. Ако не сакате да ја навредите или налутите Рибата, избегнувајте ги овие реченици во нивно друштво.
1. „Премногу си чувствителен“
Дури и птиците на гранката знаат колку се емотивни луѓето од овој хороскопски знак. Оттука всушност доаѓа нивната чувствителност. Рибите длабоко ги доживуваат сите емоции, тие се исклучително сочувствителни и затоа на другите може да им се чини дека нивните чувства се премногу силни или премногу изразени.
Меѓутоа, да ѝ кажете на рибата да престане да се чувствува е исто како да кажете некому да престане да дише. Емоциите се гориво на секоја Риба и кога ќе ѝ кажете дека е премногу чувствителна, всушност ја допирате основата на нејзиниот карактер.
2. “Престани да се грижиш толку многу!”
Стравот од непознатото е една од најголемите слабости на рибите. Не ги сакаат промените и на почетокот не се согласуваат добро кога ќе се соочат со нив. Во тој момент тие ја анализираат секоја ситница, секој чекор што треба да го направат и однапред се грижат бидејќи сакаат да бидат сигурни дека се ќе биде во ред. Во такви ситуации, не им кажувајте дека се грижат премногу, бидејќи само ќе ги влошите работите и ќе ги натерате да се преиспитаат себеси и своите навики.
3. „Не ми треба твојата помош“.
Ова е навидум безопасна реченица, но со неа можете длабоко да ја повредите рибата. Тие се сочувствителни и грижливи, а нивната потреба да ви помогнат секогаш кога можат е искрена. Нема ни трошка лага во неа, Рибите само сакаат да бидат тука за луѓето што ги сакаат и затоа не ги оттргнувајте од вас.
4. „Спушти се малку на земја“.
Не кажувајте им го тоа на овие вечни сонувачи, пред се затоа што нема да постигнете ништо со тоа. Ако Рибата има нешто на ум, таа ќе направи се за да го оствари тоа, без разлика колку ја уверувате дека нејзините соништа се преголеми или недостижни. Можеби главата им е постојано во облаци, но рибите функционираат доста добро на тој начин и не мора да ги спуштате на земја само затоа што не се согласувате со нив.