Клои Кардашијан и Тристан Томпсон ја имаат ќерката Тру, а сега ќе добијат и син, тврди добро упатен извор за „E!News“.
Бебето ќе го роди сурогат мајка, на што познатата старлета гледа како еден од најголемите благослови досега.
– Таа е исклучително благодарна. Ве молиме почитувајте ја, таа сега е максимално фокусирана на семејството и на зачувувањето на приватноста – нагласи нејзиниот претставник за медиуми.
Инаку, Ким Кардашијан претходно изјави дека Клои се надева дека ќе има момче. Очигледно, нејзината желба наскоро ќе се оствари.
Да потсетиме дека Клои и Тристан во моментов не се заедно. Покрај тоа што заедно ја воспитуваат ќерката, од декември минатата година речиси и не се во контакт.
Огромна прашина се крена околу нивното последно раскинување, бидејќи се дозна дека кошаркарот не само што ја изневерил старлетата, туку и добил дете со друга жена.