Веруваме дека многу пати сте слушнале или прочитале колку утринското вежбање е важно за „будење“ на телото и добро за здравјето. Порано луѓето почесто ги применуваа утринските вежби и појадокот во своите четири ѕида, но со оглед на тоа дека начинот на живот стана побрз и стресен, се помалку луѓето имаат време за овие активности.
На оваа тема личниот тренер Давид Ѓуриќ има многу совети и открива колку всушност е важна утринската гимнастика за секој поединец.
– Кога го започнуваме денот со некаква физичка активност, всушност го подигаме нивото на хормоните на среќата, односно ендорфините, – ја започнува приказната тренерот Ѓуриќ.
Како што вели, утринските вежби ни го подобруваат расположението, а всушност ни помагаат да го истуркаме целиот ден на подобар и полесен начин.
– Покрај подоброто расположение, оваа утринска рутина ќе ни помогне и да се дисциплинираме, да ја истегнеме потенцијалната вкочанетост на мускулите и зглобовите што ја чувствуваме ако незгодно спиеме – истакнува тој.
Ѓуриќ објаснува дека покрај хормонот на среќата, утринското вежбање помага и за подигнување на нивото на мелатонин, чија главна улога се однесува и на спиењето и на будноста.
– Ни помага побрзо да заспиеме, да имаме поквалитетен сон и да се будиме поодморени. Утринските вежби траат најмногу 20 минути, па пожелно е секој човек да го одвои тоа време, а мислам дека секој може да си го дозволи – нагласува Давид Ѓуриќ.
Според него, утринската активност е многу важна во денешно време, кога многу луѓе имаат проблем со неактивноста и лошото движење во текот на денот.
– Поради модерниот начин на седење и канцелариската работа што ја работат повеќето луѓе, како и работи кои бараат непријатна положба во која човекот стои во текот на денот, многу е важно луѓето да одвојуваат 15-20 минути наутро за себе и своето тело – заклучува личниот тренер Давид Ѓуриќ.