Лесен и сочен оброк, ручек или вечера. Послужете додека е уште топло со вашата омилена салата и уживајте!
Состојки:
парче пилешко бело месо
400 гр шампињони
главица кромид
чаша кисела павлака
сол
бибер
оригано
ловоров лист
сечкан магдонос
масло за пржење
Подготовка:
Кромидот исечкајте го на кришки, пилешкото бело месо на коцки, па заедно пропржете на масло додека месото не побели. За тоа време, шампињоните исечкајте ги на ленти, додадете ги на месото, измешајте и поклопете ја тавата, па на тивок оган динстајте во сопствениот сок. Кога целата вода од садот ќе испари, додадете сол, бибер и други зачини, измешајте и потоа додадете ја павлаката. Промешајте уште еднаш да се соедини добро со месото и печурките и ручекот е готов.
Пријатно!