Домашното песто е она што ќе ја направи разликата во ова јадење во споредба со (само) пилешко на скара. Сосот исто така ќе помогне филето да не се исуши по печењето… Уживајте!
Состојки:
- шолја и пол свеж босилек
- чаша печени ореви
- две чешниња лук
- две лажици пармезан
- половина чаша маслиново масло
- една лажица сок од лимон
- четири пилешки филети
- сол, бибер
Подготовка:
Во блендер се ставаат босилекот, оревите, лукот, пармезанот и маслото, па убаво се меша да се добие еднолична смеса. Додадете сок од лимон, измешајте и оставете го на страна. Зачинете го пилешкото со сол и бибер, а потоа печете во грил тава на умерена температура пет до шест минути од секоја страна. Извадете го во чинија, прелијте го со песто сосот и веднаш послужете.
Пријатно!