Доколку во Велика Британија се спроведе анкета која боја и прилега на Кетрин, принцезата од Велс, многумина сигурно би гласале за бојата на виното. Затоа никoj не беше изненаден што Кејт избра капут во таа боја на празничен настан, концерт со божиќни песни во Вестминстерската опатија. Пристигна целото семејство, принцот Вилијам, нивните постари деца, принцот Џорџ и принцезата Шарлот и секако, идната британска кралица.
Остави впечаток дека е многу расположена, како со насмевка да сака да каже дека прикажувањето на вториот дел од документарната серија на Нетфликс, Хари и Меган, не ја оптоварува. Кога влегле и седнале во опатијата, на церемонијата ја придружувала нејзината сестра Пипа, која заедно со нејзиниот сопруг Џејмс Метјус биле меѓу најважните гости на настанот. Таа се појави во капут со идентична боја и крој на оној што го избра нејзината сестра.
Оној на Пипа е со двојни копчиња, речиси идентичен по должина, дизајниран од британската дизајнерка Карен Милен, а чини 409 фунти. Дури тогаш беше забележано дека малата принцеза Шарлот, која секој ден се повеќе наликува на нејзината мајка (и покојната кралица Елизабета), носи темноцрвен капут, со јака од плиш. Во Вестминстерската опатија се појави и Зара Тиндал, исто така во темноцрвен капут.
Тоа беше модна демонстрација на несомнена поддршка за принцезата од Велс: најважен, се разбира, е гестот на нејзината сестра. Не е првпат Пипа да и оддаде почит на својата постара сестра избирајќи облека. Откако го носеше својот превез на свадбата на принцот Вилијам во 2011 година, Пипа се грижи за својата сестра (иако е помладата) и секогаш ја чува. Модната порака испратена до сонародниците значи дека жените од кралското семејство и семејството Мидлтон безрезервно ја поддржуваат Кејт. Не им е гајле за документарецот, што и да кажат Меган и Хари. Дефинитивно нема да дозволат побегнатата двојка и Нетфликс да им го уништат Божиќ.