Не е тајна дека фризурата може да го подобри, а понекогаш дури и да го расипе изгледот.
За да ја изберете идеалната фризура, важно е да се земат предвид цртите на лицето, но и возраста.
Ник Вилис, стилист и фризер открива дека постои еден начин на потстрижување на косата што може да направи да изгледате помладо.
Како што косата се проретчува со текот на времето, постои мислење дека треба да ги скратиме прамените, но според Ник, тоа е погрешно и пократката коса може да направи да изгледате постаро отколку што навистина сте.
Тој смета дека подолгата коса е многу подобра во овој случај.
– Би и препорачал на мојата клиентка да ја задржи косата со средна должина.
Треба да додаде и слоеви, на овој начин ќе имате движење и волумен, што се важни фактори доколку сакате да изгледате помладо – вели фризерот.
Краткиот боб често знае да биде практичен и шик, но кога станува збор за изглед кој би требало да ја намали возраста, тоа не е најдобриот избор.