Меѓу губитниците на овогодинешното доделување на Brit Awards беше и италијанскиот бенд Måneskin. Бендот беше номиниран во две категории – за меѓународна песна на годината и за Меѓународен бенд на годината.
Во втората категорија победи американското музичко дуо Silk Sonic, составено од Бруно Марс и Андерсон Паак. Меѓународната песна на годината беше хит на 18-годишната американска пејачка и текстописец Оливија Родриго Good 4 U.
Сепак, членовите на Måneskin не беа премногу разочарани од ова. Тие во разговор со новинарите во пресрет на доделувањето открија дека не очекуваат ни победа со оглед на останатите изведувачи во категориите. „Тие се непобедливи. За нас е голема чест што воопшто сме номинирани“, изјави Дамијано Давид, фронтменот на бендот.
Тој беше и една од најголемите модни ѕвезди на вечерта, заедно со своите колеги.
Обожавателите на пејачот се воодушевени од неговиот стајлинг, кој уште еднаш ги поместува границите на машката мода. Дамијано на доделувањето пристигна во панталони со висок струк од латекс, кои ги комбинираше со розова блуза и спектакуларна виолетова јакна со реси.
Носеше и чизми на платформа со висока потпетица, а најистакнат моден додаток беше чокер украсен со апликација во облик на лав и две малини.
„Само тој знае да го носи тоа“, „Комбинацијата му е лудост“, „Изгледа совршено“, се само дел од низата комплименти кои Дамијано ги собра на социјалните мрежи благодарение на овој стајлинг.
