– Моја одговорност беше да го научам Тупак како да ја преживее својата реалност – вели Афени Шакур во видеото
Телевизијата „FX“ објави трејлер за новата документарна серија „Dear Mama“ во која се фокусира на раперот Тупак Шакур и неговата мајка Афени.
Објавен е краток тизер за документарната серија од пет дела и се поклопува токму со Денот на мајката во Америка. На видеото се прикажани слики од Шакур, додека во позадина се слуша гласот на Афени, која ја опишува лекцијата што ја научила од нејзиниот син.
– Мојата одговорност беше да го научам Тупак како да ја преживее својата реалност – вели Афени Шакур во видеото.
Документарната серија го добила името по истоимената песна на Тупак од 1995 година, која е омаж на Афени и љубовта и почитта што раперот ја имал кон својата мајка.
Документарецот е во режија на Ален Хјуз и „раскажан низ очите на луѓето кои најдобро ги познавале“.
Хјуз стоеше зад документарниот филм на HBO „The Defiant Ones“ од јули 2017 година, кој се фокусираше на креативното и деловното партнерство помеѓу д-р Дре и Џими Ајова, пишува NME.
Шакур беше убиен во пукање во септември 1996 година и имаше 25 години. По неговата смрт, Афени го основаше уметничкиот центар Тупак Амару Шакур во Грузија. Таа почина во 2016 година на 69-годишна возраст.
Како што се наведува, документарниот филм ќе излезе оваа есен.
Погледнете го трејлерот: