Меган Фокс е неисцрпна тема кога станува збор за изгледот и убавината. Овој пат со речиси па едноставна комбинација дополнително го привлече вниманието и засени се околу себе.
Ја покажа својата прекрасна фигура во розов блејзер, овој викенд во сончевиот Лос Анџелес.
Нејзината комбинација на облека го привлече вниманието на минувачите, најмногу поради тоа што долгите нозе на актерката беа во преден план.
Целиот стајлинг го заокружи со модерни високи сандали, со сребрени мотиви. Розевиот блејзер има V-изрез и ремен околу половината, што дополнително го истакнува стасот на актерката. Сако-фустанот е креација на Стела Макартни, а сандалите се дел од колекцијата на Амина Муади, која е омилената дизајнерка на Ријана.
Што се однесува до фризурата, Меган ја пушти долгата коса во бранови да ѝ паѓа преку рамениците и тоа беше сосема доволно за совршен изглед.
Да се потсетиме, Меган Фокс се најде во центарот на вниманието на јавноста кога одеднаш реши да го напушти нејзиниот тогашен сопруг, актерот Брајан Остин Грин и да започне романса со ексцентричниот рапер Машин Ган Кели. Парот не престанува да ја интригира јавноста, па многумина се прашуваат што видела една од најубавите жени на светот кај ексцентричниот рапер.