Заштитен знак на брендот е шпиц сандала, со високи потпетици, украсена со тенка машна покриена со сјајни кристали
Од Дуа Липа, која е голем обожавател на брендот „Mach & Mach“, до Кајли Џенер, која на Мет Гала носеше пар од бајките украсен со светки, сјајни детали и машна, славните дами ги обожаваат чевлите со потписот „Mach & Mach“, кои станаа незаменлив додаток на нивните гардеробери, а тоа го потврдува и фактот што се распродаваат во многу краток рок.
Со седиште во Тбилиси, главниот град на Грузија, брендот е основан од две сестри Нина и Гванца Макхарашвили, а нивниот бренд веќе се здоби со култен статус меѓу новата генерација модни инфлуенсерки и ИТ девојки кои имаат силно влијание врз обликувањето на трендовите.
– Дизајнираме за оние кои сакаат да се забавуваат, да експериментираат со нивниот стил, боја и текстура и не се плашат да се истакнат во толпата. Модата ја користиме за да оставиме силен впечаток и веруваме дека нашите колекции на чевли и даваат можност на секоја девојка да остави силен впечаток кога ќе влезе во собата, истакнуваат дизајнерките.
Заштитен знак на брендот е шпиц сандалата, со високи потпетици, украсени со тенка машна прекриена со сјајни кристали. Без разлика дали сакате влечки или класични сандали со ремен околу глуждот, она што е сигурно е дека нема да останете незабележани. Еден од најистакнатите модели е салонката во светло црвена боја, римејк на легендарните црвени чевли на хероината Дороти од филмот „Волшебникот од Оз“.