Нетфликс официјално ја обнови историската драма „Vikings: Valhala“ за втора и трета сезона, дознава TVLine. Всушност, продукцијата на 2-та сезона е веќе завршена, а премиерата е закажана за следната година. Третата сезона започнува со снимање оваа пролет.
Стриминг платформата првично нарачала 24 епизоди од Vikings спиноф, сместени сто години по серијата „Историја“, со Сем Корлет во главната улога на легендарниот истражувач Леиф Ериксон. А бидејќи првата сезона имаше само осум епизоди, обновувањето на двете сезони беше навистина формалност.
Креаторот на серијата Џеб Стјуарт („Умри машки“) ќе биде режисер на втората и третата сезона.
– Воодушевен сум што можам да потврдам дека завршивме и веќе ја монтираме втората сезона и дека наскоро ќе започне продукцијата од третата сезона – наведе тој во изјавата.