Клавијатуристката и пејачка на Fleetwood Mac, Кристин Мекви, почина на 79-годишна возраст, соопшти нејзиното семејство.
Во соопштението на Фејсбук се вели:
– Во име на семејството на Кристин Мекви, со тешко срце ве известуваме за смртта на Кристин. Таа мирно почина во болница утрово, среда, 30 ноември 2022 година, по кратко боледување. Таа беше во друштво на своето семејство. Љубезно ве молиме да ја почитувате приватноста на семејството во ова крајно болно време и сакаме сите да ја чуваат Кристин во своите срца и да се сеќаваат на животот на ова неверојатно човечко суштество и почитувана музичарка која беше универзално сакана.
Британско-американскиот рок бенд, основан во Лондон во 1967 година, продаде повеќе од 100 милиони плочи ширум светот, што ги прави една од најуспешните рок групи на светот.
— Fleetwood Mac (@fleetwoodmac) November 30, 2022
Нивните најпознати песни се „Dreams“, „Go Your Own Way“ и „Everywhere“.
Бендот и оддаде почит на пејачката и текстописец Мекви во изјавата вечерта по веста за нејзината смрт. „Нема зборови со кои може да се опише нашата тага за смртта на Кристин Мекви. Таа беше навистина уникатна, посебна и неверојатно талентирана“.