Во последно време трајната шминка стана тренд, па девојките со задоволство се одлучуваат за вакви третмани, особено кога се во прашање веѓите.
Од друга страна, има и такви кои се многу скептични во врска со тоа.
Трајната шминка е постапка со која пигментите во боја се втиснуваат во кожата, а како што кажува и самиот збор, таа е трајна и тешко се отстранува.
Поради начинот на кој се изведува, оваа постапка е слична на тетовирањето. Трајна шминка можат да изберат оние кои немаат проблем со алергии и чија кожа не е премногу чувствителна, како и оние жени кои секојдневно се шминкаат.
Исто така, оваа процедура е идеална за оние кои имаат нагласени неправилности на лицето, поради што претставуваат естетски проблем. Може да се нанесува на различни делови од лицето, но главно на усните, очите и веѓите.
Доколку размислувате да нанесете трајна шминка, добро е да ги знаете нејзините предности и недостатоци.
Предности:
1. Не мора секој ден да се грижите за својот изглед – ќе изгледате свежо и убаво во секоја прилика.
2. Прикривање на несовршеностите – трајната шминка може да биде идеално решение за прикривање на несовршеностите на вашето лице, како лузни и слично.
3. Ретки веѓи – во случај да имате ретки веѓи кои се речиси невидливи, трајната шминка на веѓите ќе ви го врами лицето, а вие можете да создадете форма која најмногу ви одговара.
4. Алергии на класична шминка – некои жени имаат алергиски реакции на некои супстанции кои се наоѓаат во класичните производи за убавина, па трајната шминка може да биде добар избор.
Мани:
1. Цена – третманите за нанесување трајна шминка воопшто не се евтини.
2. Непријатно чувство – пред ваков третман се дава локална анестезија за полесно да ја поднесете болката која следи.
3. Можни алергии – иако боите што се користат за нанесување трајна шминка се дерматолошки тестирани, никогаш не знаете како ќе реагира вашето лице, особено кога лицето е многу чувствително.
4. Многу тешко се отстранува – со оглед на тоа што поентата на овој тип на шминка е да биде што е можно подолготрајна, таа е направена на таков начин што тешко се отстранува, па може да остане на вашето лице до пет години.