Чоколадно уживање за секоја пригода.
Состојки:
- 200 гр мелени бисквити
- 100 гр мелени лешници
- 70 гр путер
- 70 гр шеќер во прав (можеби и помалку, по вкус)
- 1,5 дл сок од портокал
- 2 реда бело чоколадо
Глазура:
- 100 гр темно чоколадо
- 1 лажица какао
- 1 лажица шеќер, по вкус
- 2 лажици млеко
- коцка путер
Подготовка:
Изматете го путерот, додадете ги бисквитите, лешниците, омекнатото бело чоколадо, шеќерот во прав и сокот од портокал.
Сѐ добро измешајте, па направете коцки. Ставете ги во фрижидер да се стегнат.
Подгответе ја чоколадната глазура: издробете ја чоколадата, додадете шеќер, по потреба какао и млеко.
Растопете сѐ на умерена температура, а кога ќе почне да згуснува додадете путер.
Прелијте ги коцките со глазурата и ставете во фрижидер убаво да се изладат.
Декорирајте по желба, но само кога ќе се стегне глазурата
Добар апетит!