Искористете ги последните моменти од сезоната на тиквички и подгответе вкусно рижото со овие зелени плодови. За да подготвите вкусен ручек ќе ви треба помалку од половина час.
Доколку сакате да уживате во кремасто рижото, користете ориз арборио или друг вид ориз со кратко зрно, кој е наменет за вакво јадење.
Добрата и топла основа е исто така важна за успехот на рецептот. Иако можете да користите секаков вид супа, пилешката супа ќе ви даде дополнителна длабочина на вкус.
Тиквичките бараат многу кратка термичка обработка, па најдобро е да ги пржите на почетокот на подготовката, да ги тргнете на страна и да ги измешате кога ќе биде готово рижото.
Состојки:
1250 мл супа од зеленчук или пилешко
320 гр ориз арборио
80 мл масло
65 мл суво бело вино
30 гр рендан пармезан
3 супени лажици путер
2 тиквички
1-2 чешниња лук
сол и бибер по желба
Подготовка:
Во голема тава загрејте две лажици масло. Додадете ги сечканите тиквички и пржете две до три минути, додека не поруменат. Извадете ги тиквичките.
Во тавата ставете го сечканиот лук и динстајте го околу половина минута, па извадете го и ставете го на страна заедно со тиквичките.
Загрејте го густинот во микробранова печка или на шпорет во посебно тенџере.
Во тавата ставете го остатокот од маслото и загрејте го на силен оган. Додадете го оризот, измешајте и оставете да се тостира околу една минута.
Истурете го виното врз оризот и мешајте на тивок оган минута или две.
Кога виното ќе испари, намалете ја температурата на ниско и додадете третина од приготвената и загреана супа. Измешајте го.
Кога оризот ќе ја „впие“ целата течност, додадете уште една третина. Промешајте. Постапката повторувајте ја додека не се потрошат сите залихи и оризот не биде ал денте. За ова ќе ви требаат околу 20 минути готвење.
Оризот тргнете го од оган и додадете ги путерот, ренданиот пармезан, пржените тиквички и лукот. Додадете сол и бибер по желба. Измешајте и послужете веднаш со сезонска салата по избор.
Пробајте ги овие рецепти за брз ручек со тиквички: