Дали сакате да пиете пиво со вечера? Според истражувањата, ова е многу добро за вас – но само не заборавајте да се држите до едно.
Португалските истражувачи откриле дека мажите кои пијат пиво секоја вечер имаат поздрави црева. Оваа навика, теоретски, може да го намали ризикот од развој на болести како што се дијабетес тип 2 и срцеви заболувања. Меѓутоа, една португалска студија покажа дека безалкохолното пиво очигледно го има истиот ефект.
Експертите од Универзитетот НОВА во Лисабон, како што пренесува DailyMail, откриле дека консумирањето еден пијалок дневно може да го намали ризикот од срцеви заболувања и дијабетес со поттикнување на добрите бактерии во цревата.
Деветнаесет здрави мажи, на возраст меѓу 23 и 58 години, биле замолени да пијат 330 милилитри шишиња пиво со вечера во текот на еден месец. Приближно половина од пивото имало 5,2 отсто алкохол, додека останатите биле безалкохолни. Сепак, немаше контролна група.
На волонтерите им било кажано да не го менуваат она што вообичаено јаделе или пиеле за време на студијата или да ја менуваат рутината за вежбање. До крајот на експериментот, немаше видливи разлики во тежината на мажите, масната маса или нивото на холестерол. Но, анализата на примероците од измет – земени пред и по студијата – покажа дека тие имаат поголем опсег на бактерии во цревата. И двете групи имале слично зголемување на добрите бактерии, од седум проценти.
Истражувачите велат дека студијата покажала дека конзумирањето на едно шише пиво, без разлика на содржината на алкохол, може да биде корисно за здравјето на машките црева. Студијата се занимавала само со лагер пиво и се очекува дека сите видови пиво имаат ист ефект врз микробиомите. Авторите рекоа дека пивата со поголема количина на квасец, како што се нефилтрираните пива, можат да имаат уште подобар ефект.
Се верува дека пивото го подобрува микробиомот – збирка бактерии и габи кои живеат во нас – бидејќи содржи полифеноли.
Ова се микронутриенти кои се наоѓаат природно во растенијата, а пивото е единствениот извор на полифеноли од хмељ во човечката исхрана. Пиварската индустрија речиси исклучиво користи хмељ за да му ја даде карактеристичната арома и горчина на пивото, особено кај индиското светло пиво. Се верува дека полифенолите можат да стигнат до желудникот, каде што можат да помогнат да се контролира кои бактерии ќе напредуваат.
Намалената разновидност на бактерии во цревата е поврзана со дијабетес и кардиоваскуларни заболувања.
Сепак, опијувањето е неверојатно опасно, а постојат студии кои сугерираат дека само една чаша вино или една чаша пиво секоја вечер во средните години може да го остари вашиот мозок за две години. Злоупотребата на алкохол досега беше поврзана со неколку видови на рак, заболување на црниот дроб, панкреатитис, срцева слабост и оштетување на мозокот.
Експертите препорачуваат возрасните да пијат не повеќе од 14 единици алкохол секоја недела – шест литри пиво или шише и половина вино. Оваа студија беше објавена во списанието за земјоделска и прехранбена хемија.