Бакарните нијанси за коса се многу лесни за носење, бидејќи на кожата и одговараат и со топли и со ладни нијанси. Тие се најдобриот избор за светла и полусветла боја на кожа, а одлично се комбинираат со зелени, сини, кафени и сиви очи.
Светло црвените нијанси бараат здрава коса и уредно потстрижени врвови, бидејќи во спротивно фризурата ќе изгледа неизмиено и неуредно.
За фарбање најдобро е да се консултирате со стручно лице, а при изборот на нијанса да ја земете предвид бојата на очите и тенот. Ова им е добро познато на многу холивудски ѕвезди кои со години се верни на бакарните тонови.
Светло црвена боја
Светло црвената боја најмногу одговара на средно темна и темна руса коса и розова кожа, додека златните тонови со бакарен сјај се посоодветни за темен тен. Со вакви нијанси до израз ќе дојдат зелените, сините и кафените очи. Најсветлата црвена нијанса ја носат Ејми Адамс и Бела Торн.
Средно темно црвена боја
Вибрантните бакарни нијанси се добри за сите, бидејќи убаво се вклопуваат со кожата со топол и ладен подтон. Тие се најдобриот избор за светла и средно светла боја на кожа, а одлично се комбинираат со зелените, кафените и сивите бои на очите. Овие нијанси ги носат Џесика Чејстен, Кристина Хендрикс и Исла Фишер.
Темно црвена боја
Темно црвената боја е најдобриот избор за средно темен тен и темни, кафени нијанси на очи. Тој е доволно ефикасен само по себе, па затоа не се препорачува да се нагласи со нишки.
Доколку сепак се одлучите за прамени, „омекнете“ ги овие црвени прамени посветли за една нијанса. Џулијан Мур и Џулија Робертс се познати по оваа боја на коса.
