Пејачката веќе подолго време има здравствени проблеми.
Пејачката Селин Дион не се појавува во јавноста од мај минатата година, што предизвика голема загриженост кај нејзините обожаватели. На почетокот на годината објави дека има постојани и болни грчеви во мускулите, па откажа дел од турнејата.
Според зборовите на нејзината пријателка, Селин поради болките не може ни да стане од кревет, а ослабела многу.
„Доколку нејзината состојба не се подобри, би можела да се повлече од сцената на неколку месеци, па дури и една година“, изјави пријателката на пејачката во јануари оваа година.
Селин престана да се огласува и на Инстаграм, каде нејзиниот тим сега споделува објави, а под секоја има бројни прашања од обожавателите за нејзиното здравје и враќање на сцената.