Најпрестижните филмски награди во светот, популарните Оскари, ќе бидат доделени на 27 март во „Долби театарот“ во Лос Анџелес. Свеченоста како и секогаш ќе има забавна и музичка програма во која ќе настапат светски ѕвезди.
Очекувано, една од нив ќе биде и RnB кралицата Beyonce, која ќе ја изведе песната „Be Alive“ од филмот „King Richard“. Филмот со Вил Смит во главната улога, со Ричард Вилијамс (татко на сестрите Серена и Венус Вилијамс) беше номиниран за најдобар филм минатата година.
Младата и наградувана Били Ајлиш исто така ќе го заземе микрофонот. Таа и нејзиниот брат Финес ќе ја изведат песната „No Time To Die“ од филмот за Џејмс Бонд.
– Многу ѝ благодарам на Академијата за оваа номинација! Беше апсолутен сон да напишам песна за филм за Бонд и за мене е голема чест што сум номинирана. Врвно животно искуство – напиша Били Ајлиш на Инстаграм.
И Бијонсе и Били Ајлиш беа номинирани во категоријата најдобра песна. Заедно со нив се и „Somehow You Do“ од Four Good Days на Дијана Ворен, „Down to Joy“ од Белфаст од Ван Морисон и „Dos Oruguitas“ од Encanto од Лин Мануел Миранда.