Roku Channel премиерно го прикажа целосниот трејлер за целосно авторизираниот сатиричен биографски филм на Ерик Апел „Weird: The Al Yankovic Story“, за Weird Al Yankovic, премиерно прикажан на 4-ти ноември.
Во него, ѕвездата на „Хари Потер“, Даниел Редклиф се трансформира во повеќекратен добитник на Греми наградата Ал Јанковиќ, пејач и хармоникаш, кој направи кариера од пародии на хит песни.
Во една сцена, Ал е посетен во неговиот раскошен замок во Беверли Хилс од страна на кралицата на попот, Мадона (ја игра Еван Рејчел Вуд), која го прашува дали би направил пародија на нејзиниот хит „Like a Virgin“ од 1984 година.
Во реалниот живот, не е јасно дали парот некогаш физички се сретнал. Сепак, едно време Мадона известила познаник на неговиот менаџер Џе Ливио дека сака пародијата на Јанковиќ да се вика „Like a Surgeon“.
Во филмот играат и Рајн Вилсон, Тоби Хас, Џулијан Николсон, Квинта Бренсон, Спенсер Трат Кларк, Томас Ленон, Дот-Мари Џонс, Скот Окерман, Џејмс Престон Роџерс и Џон Реган, пишува „Дејли мејл“.
Погледнете го трејлерот: