Руни Мара е номиниранa за два Оскари
Познатиот режисер Лука Гваданињо, режисер на хитот „Call me by your name“ снима биографски филм за една од најголемите и најубавите актерки во светот – Одри Хепберн. За насловната улога е избрана актерката Руни Мара, која ќе биде и еден од продуцентите. Засега не се откриени детали, но проектот е поддржан од Apple Studios, додека сценариото го потпишува Мајкл Митник (филмот „The Current War“), пишува NME.
Одри Хепберн (1929-1993) беше англиска актерка, модел и хуманитарна активистка која остана запаметена по улогите во култни филмови како што се „Појадок кај Тифани“, „Празник во Рим“, Оскар за најдобра главна женска улога и наградата Тони.Претставувајќи една од три актерки кои некогаш ги освоиле двете награди во иста година.
Нејзината улога во „Сабрина“ и донесе номинација за Оскар и награда БАФТА за најдобра актерка. Хепберн го доби и „EGOT статусот“, бидејќи ги доби наградите Еми, Оскар, Тони и Греми.
Руни Мара е номинирана за два Оскари за улогите во американската адаптација на „Девојката со тетоважа змеј“ и „Керол“. Светската публика наскоро ќе ја види актерката во новиот филм на Гиљермо дел Торо „Алејата на кошмарите“, чија премиера ќе биде кон крајот на овој месец.