Комичарката Ребел Вилсон и нејзината девојка Рамона Агрума се верија по само седум месеци врска, дознава Пејџ Сикс. Австралиската ѕвезда и нејзината избраничка наводно ја покажале својата свршувачка на забава по повод Ноќта на вештерките, а изворите велат дека не можеле да ја сокријат возбудата.
„Се бакнуваа во ќошот и на сите им кажуваа колку се возбудени што ќе се свршат“, рече гостин на забавата организирана од производителот на текила Касамигос.
Изворите велат дека „големото прашање“ се појавило пред неколку недели, а и Ребел и Рамона носат дијамантски веренички прстени.
Вилсон раскина со наследникот на Бадвајзер, Џејкоб Буш во февруари 2021 година, а една година подоцна почна да се забавува со претприемачот Рамона. Агрума има своја модна линија, Lemon Ve Lemon, која е популарна во нејзината родна Латвија, продавајќи спортска облека направена од одржливи материјали.
Ова е првата јавна истополова врска на австралиската комичарка, а за својата сексуална ориентација проговори во јуни на својот Инстаграм профил.
„Мислев дека барам принц на Дизни… но можеби навистина ми требаше принцеза сето ова време“, напиша таа тогаш.
Набргу откако потврдија дека се во врска, Ребел и Рамона заминаа на романтично патување низ Европа, каде ги посетија Италија, Исланд и Турција. Тие неодамна лансираа заедничка линија на облека R&R Club, која вклучува скапи тренерки слични на оние на брендот на Рамона.